LABARIN MAYAUDARIN KIRISTA A KATSINA

Daga: Abdulkwanarya
A ranar Lahadi 8/8/2010 ne asirin wani mutum da ya musulunta a masallacin kungiyar Izala da aka fi sani da Kandahar Kofar Kaura Katsina tsawon shekara uku da ta gabata mai suna Monday wanda ya canja suna zuwa Ahmad ya tonu, bayan da ya safe shekaru ukun yana yaudarar masu kula da wannan masallaci ta hanyar karbar tallafi.
Yadda abin ya faru kuwa shine, wani dan acaba (kabu-kabu) ne ya dauko Monday daga wata Coci ya kawo shi wannan masallaci.Bayan ya ajiye shi ne, sai ya ga wannan mutum ya shige cikin masallaci, abinda ya cikashi da mamakin da ya kasa daurewa har sai da ya tambaya kodai akwai hanyar bi-ka-wuce ta wannan masallaci. an ba hi amsa da cewa babu wata hanya, masallaci ne kawai.sannan ya tabbatar masu da cewa ya fa dauko wani mutum daga Coci ya kawo shi nan kuma lallai yana nan cikin masallacin.Sai aka shiga da wannan dan acaba , ya kuma nuna Monday cikin masallacin gaban kayansa da dama anan cikin suke kuma nan yake kwana. A nan take aka caje shi ,sai aka sami wani Littafin da aka rubuta "Littafi mai Tsarki" akansa.
Yayin da aka tambayi Monday akan lamarin ya tabbatar da cewa, haka aka yi bai kuna musanta faruwar hakan ba sai dai ya ce, bai dade da komawa zuwa Cocin ba. An kuma tambaye shi mi yasa da ya koma Kiristansa bai bar masallacin ba? Sai ya yi shiru babu amsar da ta fito daga bakinsa.
Bayan musuluntar Monday, "har makaranta aka sama masa a Kaduna , amma ya ki ya halarta"inji Ustazu Sani Musa, a lokacin da yake kara bayani akan lamarin.
An yi kokarin mika Monday ga hukumar tsaron farin kaya,amma suka ce a bayar da shi ga hukumar 'yansanda, za su karbi batun daga bisani.
Wani da wannan Dandali na katsinawahausawa ya nemi jin ta bakinsa akan wannan lamari, ya bayyana abin da cewa akwai sakaci da bangaren yan gunkiyar da har suka kyale wannan mutum tsawon wannan lokaci ba tare da bin diddikin wadanda yake mu'amala da su ba" mi ya hana su binciki shi kowanene, danginsa da makamantan su don su san dawa suke mu'amala"a tabakain wannan malami.
Shin Monday dan leken asiri ne na kungiyar kiristocin Nijeriya (CAN) ko kuwa dan leken asirin wasu kungiyoyin ne na daban? Kuma hukumomin tsaron za su iya yi wani abu akan lamarin ? Tambayoyin da har zuwa aiko da wannan labari ba a sami amsoshinsu ba.